தமிழக அரசின் கூட்டுறவு துறையின் கீழ் பல்வேறு கூட்டுறவு வங்கிகளும், கூட்டுறவு கடன் சங்கங்களும் செயல்படுகின்றன. அவை, தங்க நகை அடமானத்தில், நகை கடன் வழங்குகின்றன. அங்கு, குறைந்த வட்டி வசூலிப்பதுடன், குறிப்பிட்ட காலத்திற்குள் அசல் மற்றும் வட்டி செலுத்தவில்லை என்றாலும், உடனே நகைகளை ஏலம் விடுவதில்லை.

இதனால், பலரும் அவசர தேவைகளுக்கு, கூட்டுறவு வங்கிகள் மற்றும் சங்கங்களில், தங்க நகைகளை அடகு வைத்து கடன் பெறுகின்றனர்.

அதன்படி, இந்த நிதியாண்டில் ஏப்ரல் முதல் கடந்த மாதம் வரை, 36 லட்சம் பேருக்கு, 25,200 கோடி ரூபாய் அளவுக்கு நகை கடன்கள் வழங்கப்பட்டுள்ளன.

கடந்த முழு நிதியாண்டில், 56.29 லட்சம் பேருக்கு, 37,120 கோடி ரூபாய் நகை கடன் வழங்கப்பட்டது.