சினிமா

பிரபல தெலுங்கு நடிகை காயத்ரி டாலி ஹோலி கொண்டாட்டம் முடிந்து வீடு திரும்பிய போது கார் விபத்தில் உயிரிழந்தார்.

நடிகை காயத்ரி டாலி

பிரபல தெலுங்கு நடிகையான காயத்ரி டாலி(26) '' மேடம் சார் மேடம் அந்தே'' என்ற வெப் சீரிஸில் நடித்து பிரபலமானவர். மேலும் இவர் ஜல்சா ராயுடு என்ற பிரபல யூடியூப் சேனலிலும் வீடியோக்களை வெளியிட்டு வந்தார்.

இந்நிலையில் கடந்த 18ம் தேதி ஆண் நண்பரான ரத்தோட் என்பவருடன் ஹைதராபாத்தில் ஹோலி பண்டிகையை கொண்டாடிவிட்டு கச்சிபோலிக்கு வந்து கொண்டிருந்தார்.

காரை ரத்தோட் ஓட்டி வந்த நிலையில், கார் கட்டுப்பாட்டை இழந்து கார் டிவைடரில் மோதி விபத்துக்குள்ளாகியுள்ளது.

சம்பவ இடத்தில் பலி

இந்த விபத்தில் பிரபல நடிகை காயத்ரி சம்பவ இடத்திலேயே பரிதாபமாக உயிரிழந்தார். படுகாயமடைந்து உயிருக்கு போராடிக்கொண்டிருந்த ஆண் நண்பரை ஆம்புலன்ஸ் மூலம் மருத்துவமனைக்கு கொண்டு சென்ற நிலையில், காப்பாற்றமுடியாமல் அவரும் உயிரிழந்துள்ளார்.

இவர்கள் இருவர் மட்டுமின்றி, சாலையை கடந்து செல்ல முயன்ற பெண் பாதசாரி ஒருவரும் படுகாயமடைந்து சம்பவ இடத்திலேயே உயிரிழந்துள்ளதாக தகவல் வெளியாகியுள்ளது.

தெலுங்கு திரையுலகில் வளர்ந்து வரும் நடிகை இவ்வாறு ஆண் நண்பருடன் விபத்தில் சிக்கி உயிரிழந்துள்ளது ரசிகர்களை சோகத்தில் ஆழ்த்தியுள்ளது. இதுகுறித்து பொலிசார் விசாரணை மேற்கொண்டு வருகின்றனர்.