சினிமா

நானி மற்றும் நஸ்ரியா கூட்டணியில் உருவாகியுள்ள 'அடடே சுந்தரா' படத்தின் டிரெய்லர் ரிலீஸ் அப்டேட் வெளியாகியுள்ளது. 

தெலுங்கில் முன்னணி நடிகராக வலம் வருபவர் நானி. தற்போது அவர் நடிப்பில் உருவாகியுள்ள திரைப்படம் 'அடடே சுந்தரா'. தமிழ், தெலுங்கு, மலையாளம் என மூன்று மொழிகளில் உருவாகியுள்ள  இந்த படத்தை விவேக் ஆத்ரேயா என்பவர் இயக்கியுள்ளார். இந்த படத்தில் நஸ்ரியா கதாநாயகியாக நடித்துள்ளார். நஸ்ரியா இந்தப் படத்தின் மூலம் தெலுங்கில் அறிமுகமாகிறார். 

நானி மற்றும் நஸ்ரியா இந்த படத்தில் இணைந்து நடிப்பதால் படத்திற்கு மிகுந்த எதிர்பார்ப்பு ஏற்பட்டுள்ளது. மேலும் இந்த படத்தில் நடிகைகள் நதியா, ரோகிணி உள்ளிட்டோர் முக்கிய கதாபாத்திரங்களில் நடித்துள்ளனர்.மைத்ரி மூவி மேக்கர்ஸ் தயாரித்துள்ள இப்படத்திற்கு விவேக் சாகர் இசையமைத்துள்ளார்.

காதல், காமெடி மற்றும் குடும்ப சென்டிமென்ட்டில் உருவாகியுள்ள இப்படம் வரும் ஜுன் 10- ஆம் தேதி வெளியாகும் என அறிவிக்கப்பட்டுள்ளது. தற்போது இந்தப் படத்தின் ட்ரைலர் ரிலீஸ் குறித்த அப்டேட் வெளியாகியுள்ளது. ஜூன் 2-ம் தேதி இந்தப் படத்தின் ட்ரைலர் வெளியாக இருப்பதாக அறிவித்துள்ளனர்.