சினிமா

லிங்குசாமி இயக்கத்தில் உருவாகும் 'தி வாரியர்' படத்தின் முதல் பாடலை நடிகர் உதயநிதி வெளியிட்டுள்ளார். 

பிரபல இயக்குனர் லிங்குசாமி இயக்கத்தில் தெலுங்கு நடிகர் ராம் பொத்தினேனி நடிப்பில் உருவாகி வரும் திரைப்படம் 'தி வாரியர்'. இந்த படத்தில் நடிகை கீர்த்தி ஷெட்டி கதாநாயகியாக நடிக்கிறார். சீனிவாச சில்வர் ஸ்கிரீன் நிறுவனம் தயாரித்து வரும் இப்படம் ஜூலை 14-ஆம் தேதி திரையரங்கில் வெளியாகும் என அறிவிக்கப்பட்டுள்ளது. 

தமிழ் மற்றும் தெலுங்கில் உருவாகும் இப்படத்தின் படப்பிடிப்பு பல கட்டங்களாக நடைபெற்று வருகிறது. இந்நிலையில் இப்படத்தின் முதல் பாடல் வெளியீட்டு நிகழ்ச்சி சென்னையில் உள்ள பிரபல மாலில் நடைபெற்றது. இந்த நிகழ்ச்சியில் சிறப்பு விருந்தினராக கலந்து கொண்ட நடிகர் உதயநிதி பாடலை வெளியிட்டார். 'புல்லட்' என தொடங்கும் அந்த பாடலை நடிகர் சிம்பு பாடியுள்ளார். 

இந்த பாடல் வெளியீடு குறித்து நடிகர் உதயநிதி தனது ட்விட்டர் பக்கத்தில் வெளியிட்டுள்ள பதிவில், இயக்குநர் லிங்குசாமி சார் இயக்கத்தில், தேவி ஸ்ரீ பிரசாத் இசையில் தமிழ்-தெலுங்கில் தயாராகும் 'தி வாரியர்' திரைப்படத்தின் லிரிக்கல் வீடியோவை இன்று வெளியிட்டோம். இப்படத்தின் மூலம் தமிழில் அறிமுகமாகும் நடிகர் ராம் பொத்தினேனி அவர்களுக்கு வாழ்த்துகள் என்று குறிப்பிட்டுள்ளார்.