உலகம்

உக்ரைனுக்கு எதிராக போரிட்டுவரும் ரஷ்யாவுக்கு எந்தவித ஆயுதங்களையும் விற்கவில்லை என வடகொரியா திட்டவட்டமாக தெரிவித்துள்ளது.

அதேவேளை எதிர்காலத்திலும் ரஷ்யாவுக்கு ஆயுதங்களை விற்க எந்தவித திட்டமும் இல்லை என வடகொரியா கூறியுள்ளது.

அமெரிக்கா மற்றும் பிற விரோத சக்திகள் அதன் அடிப்படை அரசியல் மற்றும் இராணுவ நோக்கங்களைத் தொடர வதந்திகளைப் பரப்புவதாக வடகொரியா குற்றம் சாட்டியது.

ஆயுதப் பற்றாக்குறையால் ரஷ்யா வடகொரியாவிடம் ஆயுத உதவியை கோரியுள்ளதாக செப்டம்பர் தொடக்கத்தில் அமெரிக்கா தெரிவித்திருந்த நிலையில் வடகொரியாவின் தற்போது அறிவிப்பு வெளியாகியுள்ளது.

வட கொரியாவின் ரஷ்ய வடிவமைத்த ஆயுதங்கள் பல சோவியத் காலத்தைச் சேர்ந்தவை ஆனால் அதில் ரஷ்ய ஆயுதங்களைப் போன்ற ஏவுகணைகள் உள்ளன என நிபுணர்கள் கூறுகின்றனர்.

இரு நாடுகளுக்கும் இடையே எந்த ஆயுத நடவடிக்கையும் ஐக்கிய நாடுகள் சபையின் தடைகளை மீறுவதாக அமையும்.

இதேவேளை ஈரானில் தயாரிக்கப்பட்ட ஆளில்லா விமானங்களின் முதல் ஏற்றுமதி ரஷ்யாவிற்கு வழங்கப்பட்டதாகவும் ரஷ்ய ஆளில்லா ஆபரேட்டர்கள் பயிற்சி பெற ஈரானுக்குச் சென்றதாகவும் அமெரிக்க அதிகாரிகளை மேற்கோள் காட்டி அறிக்கைகள் வெளிவந்தன. ஆனால் இதனை ஈரான் மறுத்துள்ளது.